Preparation Method

• ஆட்டுக்கறித் துண்டுகளுடன் தயிர் மற்றும் உப்பு கலந்து கொள்ளவும்.
• 2 வெங்காயத்தை தனியாகவும் 1 வெங்காயத்தை தனியாகவும் நறுக்கி வைத்துக் கொள்ளவும்.
• தக்காளியை சிறு துண்டுகளாக நறுக்கிக் கொள்ளவும்.
• மிளகை கரகரப்பாக பொடித்துக் கொள்ளவும்.
• பச்சை மிளகாயின் நடுவே கீறிக் கொள்ளவும்.
• வாணலியில் இதயம் நல்லெண்ணெய் ஊற்றி, காய்ந்ததும் பச்சை மிளகாய், மிளகுத்தூள், 2 பெரிய வெங்காயம் நறுக்கியது, கிராம்பு, பட்டை, பூண்டு இவற்றைப் போட்டு வதக்கியபின் தனியாத்தூள், உலர்ந்த தேங்காய் பொடி மற்றும் இஞ்சி இவற்றைப் போட்டு நன்றாக வதக்கவும்.
• வதக்கியபின் ஆற வைத்து, அரைத்துக் கொள்ளவும்.
• அடி கனமான பாத்திரத்தில் இதயம் நல்லெண்ணெய் ஊற்றி, காய்ந்ததும் மீதமுள்ள நறுக்கிய வெங்காயம் போட்டு வதக்கவும்.
• வதக்கியபின் தக்காளி போட்டு வதக்கவும்.
• அதன்பின் ஊற வைத்துள்ள கறிக்கலவையை போட்டு, 5 நிமிடங்கள் தொடர்ந்து கிளறியபடி, வதக்கி அரைத்த மஸாலா, உப்பு மற்றும் மஞ்சள்தூள் சேர்த்து கலந்து விடவும்.
• கறி வேகுவதற்கு தேவையான தண்ணீர் சேர்த்து பாத்திரத்தை மூடி வைக்கவும்.
• மிதமான தீயில் வைத்து, கறி வெந்து, குழம்பு கெட்டியானபின் கொத்தமல்லி இலை சேர்த்து இறக்கி பரிமாறவும்.